Կազմվել է քնկոտություն առաջացնող մթերքների ցանկը

Որոշ մթերքներ բացասաբար են ազդում մարդու աշխատունակության վրա: Նյու Յորքի համալսարանի Առողջության կենտրոնի մասնագետները  կազմել են հոգնածություն եւ քնկոտություն առաջացնող մթերքների ցանկը:

Ալկոհոլային եւ թույլ ալկոհոլային խմիչքները քնկոտություն են առաջ բերում, որի ժամանակ, սակայն, օրգանիզմը չի լիցքաթափվում, հայտնում է «ԵվրոՍՄԻ»-ն:

Հրուշակեղենը, կոնֆետները, թխվածքաբլիթները փոխում են արյան մեջ գլյուկոզայի մակարդակը, ինչն էլ հոգնածության զգացում է առաջ բերում: Խմորային մթերքները, այդ թվում` սպիտակ ալյուրից պատրաստված մակարոնեղենը, քաղցրավենիքին համարժեք ազդեցություն ունեն:

Հնդկահավի մսում պարունակվում են աշխատունակությունը նվազեցնող սպիտակուցներ, որոնք օրգանիզմի վրա հանգստացնող ազդեցություն են թողնում:

Օրգանիզմը շատ ժամանակ է ծախսում յուղոտ եւ տապակած սննդի մարսողության վրա, ինչը բացասաբար է անդրադառնում մարդու ընդհանուր ինքնազգացողության վրա:

Հարցեր, պատասխաններ, մեկնաբանություններ